Urdu: Mutaradefat Al-Quran

Mutaradifaat-ul-Quran (In Urdu, مُترادفاتُ القرآن - قرآن کریم کے ہم معنی الفاظ کا لغوی فرق - قرآن فہمی کے لیے ایک منفرد اور نادر تحقیق) is an essential Quranic study reference work that gives you an understanding of the way different Arabic words are used in the Qur'an for apparently similar meaning, and how these words are different from each other. This helps to understand the true meaning of the Qur'anic verses.

مولانا عبد الرحمن كیلانی كی شخصیت محتاج تعارف نہیں، انكی دسیوں علمی، تحقیقی اور گرانقدر كتب ہی ان كا مكمل تعارف ہیں۔ موصوف جس موضوع پر بھی قلم اٹھاتے ہیں اس كا حق ادا كر دیتے ہیں، زیر تبصرہ كتاب بھی ان كی قرآن مجید سے گہری وابستگی، الفاظ ومعانی اور علوم و معارف قرآنی كے بارے میں ان كے نہایت عمیق مطالعے كا منہ بولتا ثبوت ہے۔
اس كتاب كا موضوع بقول مصنف ‘‘ اردو الفاظ كے تحت قرآن میں مستعمل تمام مترادف الفاظ كا ذیلی فرق پیش كرنا ’’ ہے، عنوانات، اردو زبان كے حروف تہجی كے لحاظ سے ترتیب دئے گئے ہیں، مصنف كا طریقہ كار یہ ہے كہ كسی اردو لفظ مثلاً ‘‘ سامان ’’ كا عنوان قائم كرنے كے بعد اس كیلئے جتنے الفاط قرآن مجید میں وارد ہوئے ہیں، انہیں پہلے اجمالاً بیان كرتے ہیں، پھر ان میں سے ہر ایك كا قرآن مجید میں جو محل و مقام ہے، اسے ذكر كرتے ہیں اور اس مقام سے مناسبت ركھنے والا معنی واضح كرتے ہیں، پھر آخر میں لب لباب یا خلاصے میں تمام الفاظ كے درمیان ذیلی فروق بیان كرتے ہیں۔ كتاب كے آخر میں مصنف نے پانچ اہم ضمیموں كا اضافہ كركے كتاب كی افادیت كو چار چاند لگادئے ہیں۔ وہ پانچ ضمیمے اس طرح ہیں:
۱۔ اسماء معرفہ: اس میں 14 عنوانات كے تحت اسماء معرفہ كو تفصیلاً ذكر كردیا گیا ہے۔
۲۔ اسماء نكرہ: اس میں 7 عنوانات قائم كركے انتہائی قیمتی معلومات فراہم كی گئی ہیں۔
۳۔ ذوالاضداد
4۔ افعال كے عین كلمہ كی حركت یا مصدر میں فرق سے معانی میں تبدیلی۔
۵۔ متفرقات: اس ضمیمے میں جامع اسماء، غلط العام، مشتبہ الفاظ، چند محاورات اور چند مشكل مادوں وغیرہ پر بحث كی گئی ہے۔
مختصر یہ كہ اس كتاب نے اپنی جامعیت كی بنا پر قرآن مجید كی ایك مكمل اور مستند لغت كی حیثیت حاصل كرلی ہے ۔ قرآنی علوم كے وہ شائقین جو كتاب اللہ كی بے مثل فصاحت وبلاغت اور اسكے اعجاز بیان كی محیًر العقول نزاكتوں اور لطافتوں كے انوار سے اپنے قلب و ذہن كو منور كرنے كے متمنًی ہوں ان كے لئے یہ كتاب ایك گرانقدر تحفہ ہے۔